കോട്ടയം, ജനുവരി 18 2009: അടിസ്ഥാന രാഷ്ട്രീയപ്രശ്‌നങ്ങളിലേയ്‌ക്ക്‌ ജനങ്ങളുടെ ശ്രദ്ധ തിരിക്കുകയെന്ന ലക്ഷ്യത്തോടെ വരുന്ന ലോക്‌സഭാ തിരഞ്ഞെടുപ്പില്‍ ആറു സംസ്ഥാനങ്ങളില്‍ മത്സരിക്കാന്‍ സമാജ്‌വാദി ജനപരിഷത്ത്‌ ദേശീയ സമിതി തീരുമാനിച്ചു. മഹാരാഷ്ട്ര- 1, ബംഗാള്‍- 3, ബിഹാര്‍-1, ഉത്തര്‍പ്രദേശ്‌-2, മധ്യപ്രദേശ്‌- 2, കേരള-1 സീറ്റുകളിലാണ്‌ മത്സരിക്കുക.
കേരളത്തില്‍ കോട്ടയത്ത്‌ ദേശീയ ഉപാധ്യക്ഷന്‍ ജോഷി ജേക്കബ്‌ മത്സരിക്കാനാണ്‌ സാധ്യത. ജനകീയ രാഷ്ട്രീയ വേദിയുടെ ഭാഗമായാണ്‌ ജനപരിഷത്ത്‌ മത്സരത്തിനിറങ്ങുന്നത്‌.
കോട്ടയം സി.എസ്‌.ഐ. റിട്രീറ്റ്‌ സെന്ററില്‍ നടക്കുന്ന ദേശീയ ക്യാമ്പില്‍ ദേശീയവിദ്യാഭ്യാസബില്‍, ഭക്ഷ്യസുരക്ഷാപ്രശ്‌നം, കാര്‍ഷികപ്രശ്‌നങ്ങള്‍, അമേരിക്കയിലെ രാഷ്ട്രീയ മാറ്റം എന്നിവ ചര്‍ച്ച ചെയ്‌തു.
മുഖ്യ രാഷ്ട്രീയകക്ഷികള്‍ ഭക്ഷ്യസുരക്ഷ, കാര്‍ഷിക പ്രശ്‌നങ്ങള്‍, ആദിവാസിപ്രശ്‌നം എന്നിവയില്‍നിന്നെല്ലാം വിട്ടുമാറി ഉപരിപ്ലവമായ രാഷ്ട്രീയ പ്രചാരണങ്ങളില്‍ ഏര്‍പ്പെടുന്നതിനെ പ്രതിരോധിക്കാന്‍ യോഗം തീരുമാനിച്ചു. ഗാന്ധിജി, രാംമനോഹര്‍ലോഹ്യ, അംബേദ്‌കര്‍, ജയപ്രകാശ്‌ നാരായണ്‍ എന്നിവരുടെ രാഷ്ട്രീയ മൂല്യങ്ങള്‍ ഉയര്‍ത്തിപ്പിടിക്കുന്ന കക്ഷികള്‍ക്ക്‌ പിന്തുണ നല്‍കാനും തീരുമാനമുണ്ട്‌.
ഉറവിടം: http://www.mathrubhumi.com/php/newFrm.php?news_id=1218529&n_type=RE&category_id=1&Farc=&previous=N
0 പ്രതികരണം:
അഭിപ്രായം പറയൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.