2009/03/19

സി.പി.എമ്മിന്‌ രാഷ്ട്രീയ പാപ്പരത്തം - സമാജ്‌വാദി പരിഷത്ത്‌

കോട്ടയം മാര്‍ച്ച് 17: മുന്നണി മര്യാദകള്‍ പാലിക്കാതെ ഘടകക്ഷികളോട്‌ ചതിയും മുട്ടാളത്തരവും കാണിക്കുന്ന സി.പി.എമ്മിന്റെ രാഷ്ട്രീയപാപ്പരത്തം മാഫിയ ഇടപെടല്‍ മൂലമാണെന്ന്‌ ജനങ്ങള്‍ തിരിച്ചറിയുമെന്ന്‌ സമാജ്‌വാദി ജനപരിഷത്ത്‌ അഖിലേന്ത്യാ ഉപാധ്യക്ഷന്‍ അഡ്വ. ജോഷി ജേക്കബ്‌ അഭിപ്രായപ്പെട്ടു. 

ഫാരിസ്‌ അബൂബക്കറിനെപ്പോലെയുള്ളവരുടെയും, സൗകര്യം പോലെ തീവ്രവാദി ബന്ധങ്ങള്‍ പുറത്തെടുക്കുന്നവരുടെയും സ്ഥാനാര്‍ഥികളെ ഉറപ്പിക്കുന്നതിന്‌ സി.പി.എം. നടത്തുന്ന പിടിവാശി മുന്നണിക്കപ്പുറത്ത്‌ ഗുരുതരമായ, രാഷ്ട്രീയ, സാമൂഹിക പ്രത്യാഘാതങ്ങള്‍ ഉണ്ടാക്കും. 

കേരളത്തിലെ മുഖ്യരാഷ്ട്രീയ ചേരികളായ എല്‍.ഡി.എഫും, യു.ഡി.എഫും നേരിടുന്ന തകര്‍ച്ചകള്‍ പുതിയ ഒരു രാഷ്ട്രീയശക്തി വളരുന്നതിന്‌ അനുകൂലമായ അന്തരീക്ഷമാണ്‌ ഒരുക്കുന്നത്‌. സി.പി.എമ്മിന്റെ ജനവിരുദ്ധ നയങ്ങള്‍ക്കെതിരെ പൊരുതുന്നവരും, സാമ്പത്തിക നയങ്ങളില്‍  ആഗോളവത്‌ക്കരണത്തെ എതിര്‍ക്കുന്നവരുമായ സി.പി.എം. വിമതരുടെ പുതിയ രാഷ്ട്രീയ പ്രസ്ഥാനവുമായി ജനപരിഷത്ത്‌ സഹകരിക്കുമെന്നും അദ്ദേഹം പറഞ്ഞു. 

http://www.mathrubhumi.com/php/newFrm.php?news_id=1277803&n_type=RE&category_id=1&Farc=T

0 പ്രതികരണം:

അഭിപ്രായം പറയൂ