സാംസ്‌കാരികത അട്ടിമറിക്കപ്പെടുന്നു
കോട്ടയം, ശനിയാഴ്ച, സെപ്തംബര്‍ 27, 2008: മന്ത്രം ചൊല്ലിയും മണിമുഴക്കിയും ന്യൂനപക്ഷ സമുദായങ്ങള്‍ ഇന്ത്യയുടെ സാംസ്‌കാരിക ജീവിതത്തെ അട്ടിമറിക്കുന്നുവെന്ന്‌ പ്രശസ്‌ത എഴുത്തുകാരന്‍ പെരുമ്പടവം ശ്രീധരന്‍ പറഞ്ഞു. കോട്ടയം റിട്രീറ്റ്‌ സെന്ററില്‍ നടത്തുന്ന സമാജവാദി ജനപരിഷത്തിന്റെ കിഷന്‍ പട്‌നായക്‌ സ്‌മാരക ദേശീയ സെമിനാര്‍ ഉദ്‌ഘാടനം ചെയ്യുകയായിരുന്നു അദ്ദേഹം.
ജാതീയമായ വേര്‍തിരിവാണ്‌ മനുഷ്യന്റെ അന്തസ്സിനെ ഹനിച്ചുകൊണ്ടിരിക്കുന്നതെന്നും അതുകൊണ്ട്‌ മതം തകര്‍ക്കുകയാണ്‌ ആദ്യം ചെയ്യേണ്ടത്‌. മതം പോകുമ്പോള്‍ ജാതി താനേ പൊയ്‌ക്കോളുമെന്നും അദ്ദേഹം അഭിപ്രായപ്പെട്ടു.
സാമൂഹിക അസമത്വമാണ്‌ ഇന്നത്തെ തിന്മയെന്നും ജാതിയും മതവും നിലനിര്‍ത്തിക്കൊണ്ട്‌ മാനവികത അസാധ്യമാണെന്നും അദ്ദേഹം കൂട്ടിച്ചേര്‍ത്തു.
സമാജവാദി ജനപരിഷത്തിന്റെ അഖിലേന്ത്യാ ഉപാദ്ധ്യക്ഷന്‍ അഡ്വ. ജോഷി ജേക്കബ്ബ്‌ അദ്ധ്യക്ഷനായിരുന്നു. പ്രമുഖ രാഷ്‌ട്രീയ ചിന്തകനും തെരഞ്ഞെടുപ്പ്‌ വിശകലന വിദഗ്‌ധനുമായ യോഗേന്ദ്രയാദവ്‌, പ്രൊഫ. എസ്‌ ജോസഫ്‌ എന്നിവര്‍ പങ്കെടുത്തു.
ജാതി സംവരണം സാമൂഹിക വിപ്ലവത്തിന്‌ സമഗ്രമായ സംവരണ നയം വേണം എന്നതാണ്‌ ഇന്നും നാളെയും നടക്കുന്ന സെമിനാറിലെ വിഷയം.
http://myvartha.com/ver02/FullStory/?NewsID=927200831507PM1956&Sid=10&Opps=1&Cnt=2131
© Copyright 2008. myvartha.com
കടപ്പാടു്: കോട്ടയം വാര്‍ത്ത
0 പ്രതികരണം:
അഭിപ്രായം പറയൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.