കണ്ണൂര്‍ ഫെ 13: പ്രകൃതിവിഭവങ്ങളുടെ ഉടമസ്ഥത തീരുമാനിക്കുന്നത് രാഷ്ട്രീയനേതൃത്വമാണെന്നും ഇവ ബഹുരാഷ്ട്ര കുത്തകകള്‍ക്ക് വിട്ടുകൊടുക്കുന്നതില്‍ രാഷ്ട്രീയപാര്‍ട്ടികള്‍ ഏകാഭിപ്രായക്കാരാണെന്നും സമാജവാദി ജനപരിഷത്ത് ദേശീയസമിതി അംഗവും യു.പിയിലെ കൊക്കകോള വിരുദ്ധസമര നേതാവുമായ അഫ്‌ളാത്തൂണ്‍ അഭിപ്രായപ്പെട്ടു. വിഭവങ്ങളുടെ ഉടമസ്ഥതയിന്മേലുള്ള അവകാശം സ്ഥാപിച്ചെടുക്കേണ്ടത് രാഷ്ട്രീയ സമരങ്ങളിലൂടെയാവണമെന്നും അദ്ദേഹം പറഞ്ഞു.
സമാജ്‌വാദി ജനപരിഷത്തിന്റെയും ജില്ലാ പരിസ്ഥിതി സമിതിയുടെയും നേതൃത്വത്തില്‍ സംഘടിപ്പിച്ച കണ്ണൂര്‍, കാസര്‍കോട് ജില്ലാ മതേതര ജനകീയ സമര സംഘങ്ങളുടെ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം.
യു.ലക്ഷ്മണന്‍ അധ്യക്ഷനായി. എ.സദാനന്ദന്‍, രവീന്ദ്രന്‍, ദേവദാസ്, ഹരി ചക്കരക്കല്‍, രാജന്‍ കോരമ്പേത്ത്, രവീന്ദ്രന്‍, ദേവദാസ്, പി.പി.കൃഷ്ണന്‍, ഇ.പി.ഹംസക്കുട്ടി, മുഹമ്മദ്, കെ.രമേശ് എന്നിവര്‍ സംസാരിച്ചു.
കക്കാട് പുഴ കൈയേറിയ സ്ഥലം അഫ്‌ളാത്തൂണ്‍ സന്ദര്‍ശിച്ചു. കെ.രമേശ്, യമുന രമേശ്, പി.വി.ധനലക്ഷ്മി, ആശാഹരി, ഹരി ചക്കരക്കല്‍, ദേവദാസ്, സമാജവാദി ജനപരിഷത്ത് സംസ്ഥാന പ്രസിഡന്റ് വിനോദ് പയ്യട എന്നിവര്‍ ഒപ്പമുണ്ടായിരുന്നു.
മാതൃഭൂമി ഫെബ്രുവരി 14
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
0 പ്രതികരണം:
അഭിപ്രായം പറയൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.